أمن وقضاء

مذكّرة تتضمّن معلومات جديدة حول ملف المرفأ

حضر كل من عضو كتلة “الجمهورية القوية” النائب إدي أبي اللمع ورئيس “حركة التغيير” المحامي ايلي محفوض الى قصر العدل في بيروت وذلك إلحاقا للإخبار المقدم منهما بملف انفجار مرفأ بيروت بتاريخ ٢٠٢١/٠١/٢٦  حيث قدّما مذكرة تتضمن معلومات جديدة حول ملف المرفأ.

وقال محفوض بعد خروجه من قصر العدل: “كرمال جوزف روكز.. وجو نون.. ورالف ملاحي.. وسحر فارس.. وألكسندرا نجار.. نحنا هون. بأسوأ إيامات العدلية مع أسوأ نماذج من سياسيين متهمين للمثول أمام القضاء مُصرّين نركن للقضاء شو ما كان هالقضاء.. والوقاحة عند كم متواري وكم مطلوب للعدالة إنهم طموحين الشباب وبعدن مكملين بدّن يعملو نواب وبكرا وزرا ورح اعطيهم نصيحة لطاقم الحكم. بكرا بأول تشكيل وزارة شوفو مين اكتر واحد تهرّب من القضاء وشكك فيه وعينّوه وزير عدل هيك بتكمل معكم”.

وتابع محفوض: “يعطيهم العافية القوى الامنية شعبة المعلومات على انجاز كشف شبكة الارهابيين وقالو انهم داعش وقد يكونو هني ذاتهم اللي تم نقلهم من جرود عرسال الى سوريا ومن ثم اليوم حاولوا يرجعو. طبعا مؤسساتنا الامنية الله يقوّيهم بس روحو فتشو مين اللي هرّبهم ومين المستفيد اليوم بإعادتهم للتخريب”.

وسأل محفوض عن ملفات جرائم جو بجاني.. أنطوان داغر الرئيس السابق لمكافحة غسل الأموال والامتثال في أحد المصارف اللبنانية..
والعقيد المتقاعد في جهاز الجمارك منير أبو رجيلي، والعقيد جوزف سكاف ولقمان سليم. وقال: “ان من يقبض على داعش لازم يكشف هال جرايم ولمن يسأل ليش نحنا هون اليوم؟ لان عم نشوف تعاملكم مع اهالي الضحايا والشهداء ازدراء ولامبالاة. صار موعد مع مسؤول بدو موظف السنترال يسأل الاهالي شو بدكم تسألو وبعتولنا الاسئلة”.

المصدر
Mtv

قسم التحرير

التحرير في موقع قلم سياسي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى