كتب الصحافي عماد شدياق عبر صفحته فيسبوك:
اولا خلينا نبلش بإنو موقف رؤساء “نادي الغولف” شي مخزي ومعيب… لانو ما في قرار قضائي يصنف إهانة وانما موقفكم بذاته هو الإهانة.
بس يا أخي كل ما أجي بدي صفّ مع القاضي البيطار بيقدم على خطوة وبردني إلى الخلف.
ما بعرف شو سبب إصراره يبلش من المكان الصعب، بالوقت يلي قادر يفرجي خطوات بتعزز من ثقة الناس فيه.
و أضاف: طيب رئيس الجمهورية أبدى استعداده الجلوس معك ولم تفعل… ليش؟
طيب الوزير يوسف فنيانوس مجرد من أي حصانة وهو ليس نائباً وكذلك لم تستدعه… برضو ليش؟
صار عندي انطباع ما بعرف قديشو دقيق، انو القاضي البيطار هو شخصيا حابب ينسف التحقيق بنفسه.
و ختم: بس برغم هيدا كلو رح حسّن الظن وانتظر المزيد من الاشارات!
