محلي

ماذا علّق سمير جعجع على انتحار “بيار”؟

كتب رئيس حزب “القوات اللبنانية” سمير جعجع عبر حسابه على “فيسبوك”:

رفيقي بيار،
طلبت على انّو نعتبرك شهيد القضية.
ما في لزوم نعتبرك شهيد القضية، لأنّك شهيد القضية. إنت شهيد الكرامة والإباء، وعزة النفس والراس المرفوع.
ميشان هيك إنت شهيد القضية، هالقضية يللي حبّيتها من كل قلبك وجوارحك، وعشت إنت ويّاها، ضحيت بالغالي والرخيص بسبيلها.
ما فيي إنسى نشاطاتك وأعمالك يللي كانت محفوفة كل لحظة بالخطر خلف “خطوط العدو”، وبالأخص بين السنوات 1986 و1990، وقت يللي بأي لحظة كان ممكن يتمّ إعتقالك، وياخدك نظام الأسد على سجونو الشهيرة ويغيب عنّا وجّك الحلو.
إنت شهيد القضية لأنّك ما قبلت لا تساوم ولا تفاوض تا تحسّن وضعك، وكان عندك إمكانية تساوم وتفاوض على قناعاتك وتطلع من الأزمة الخانقة يللي إنت فيها، بس فضّلت تستشهد على انّو تستسلم.

شو بدّو يكون في شهادة أنقى وأوضح من هيك شهادة.

وأخيراً تأكّد، رفيقي بيار، أنّك رح تضلّ معنا، مش بس كلّ ما دعي الواجب، رح تضل معنا كل الوقت”.

المصدر
فايسبوك

قسم التحرير

التحرير في موقع قلم سياسي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى