كتب رئيس تحرير منصة الشبكة اللبنانية lb.Network والناشط السياسي زياد المصري على صفحته بموقع فيسبوك :
احبابي جمهور الميقاتي و جمهور فيصل كرامي
بخصوص موضوع الهجوم على ريفي و تحالفو مع القوات
خلينا نتفق على شغلة انو لا انتوا فيكن تلغو حدا و لا حدا في يلغيكن
اليوم في قاعدة شعبية بالمدينة مقتنعة بهيدا التحالف و عم تصوتلو
ما فيكن بعد كل شي مر فيه اللواء ريفي قدام عيونكن يلي بتقولو عن حالكن قال يابا ولاد بلد و ما فكرتو بيوم من الايام تنصفو بكلمة حق لانو ما طلع منكن الى كل كلمة نفاق
قبل ما توزعو شهادات بالكرامة قال و بالوطنية و انو ريفي حليف حزب مجرم فيكن تخبرونا انتو مين؟
فيصل يلي قاعد بحضن الحزب او ميقاتي يلي عندو افخم العلاقات مع النظام السوري يلي خطف ولاد مدينتكن؟
او جلساتكن مع التيار الوطني الحر يلي كل عمرو ضامر الشر للمدينة؟؟؟
ريفي ما غض النظر عن يلي فجر المدينة بينما انتو كان عندكن احسن العلاقات مع المنفذ ماشي يا سيد فيصل؟
عزيزي ميقاتي كم مرة زرت سوريا؟اطمنت على الشباب يلي بالسجون السورية؟طيب كم واحد عايش و كم واحد مات؟
اخيرا ما فيكن تطبلو لايران و حلفائها و تجو بدكن تفردو عضلاتكن قال ما رح تسمحو لتحالف ريفي القوات يمر
بالحقيقة انتو يا دوب شوية اصوات صداها ما بيتعدى صفحات التواصل الاجتماعي لانو يلي بيسكت عن كل ممارسات الحزب و النظام السوري و دماء شهداء الناس بطرابلس ما ممكن بيوم من الايام يقدر يعمل بطل
نصيحة عندكن حلين،تتعايشو مع الامر الواقع
او تبكو على الاطلال و كلفة الكلينكس انا بتحملها
https://www.facebook.com/100040734648598/posts/750588746308940/
