كتب القاضي شادي قردوحي على حسابه في فيسبوك :
حتى استفيد من الوقت، لان أغلب الظن سيتم اقفال حسابي او كتم صوتي، لما نزلت البوست البارحة قصدت ب”العاهرة” الساسة الفاسدون وأما “القوادون” فهم المصارف….بلد تحكمه العاهرات ويقوده القوادون…..هيدا البلد بكرر للمرة المليون منو فقير اطلاقاً….ثروة من ثرواته شبابه المغترب يلي أهم من النفط ومن الذهب والمناجم كلها شباب مغترب كان عم يرسل حوالي ٨ مليار دولار سنوياً ….ما بدي استرسل لان فيه كتير كلام بقلبي…قبل كل شي عندكم انتو يا شعب لبنان عندكم نخب ثقافية وعندكم قضاة وضباط ومحامين واطباء ومهندسين…….بيرفعوا الراس…….ما فيه جريمة بلا مجرم وما فيه فساد بلا فاسدين……موضوع أموال المودعين؛ ما في شي اسمه “تبخرت المليارات” ما تبخر الا ضمائرهم….الحل (يلي ممنوع نحكي عنه) هو اعلان توقف المصارف عن الدفع لأنها في حالة الامتناع عن التسديد وساعتها التسديد او اعلان افلاسها….ليه هالكلام ممنوع ومحظور لان بيترتب عليه حجز أموال المساهمين في المصارف(أموال الشخصية بما فيها التخت يلي بناموا عليه) بس من هم المساهمون؟؟؟؟ أكبرهم الزعماء والسياسيون…..معقول يقبلوا تحجز قصورهم وسيارات زوجاتهم واولادهم…..اكيد لا…….يتبع
